അദ്ദിക്ർ

പ്രവാചകന്‍റെ കാലത്ത് അദ്ദിക്ര്‍ ഗ്രന്ഥരൂപത്തില്‍ ക്രോഡീകരിക്കപ്പെട്ടിട്ടുണ്ടായിരുന്നില്ല എന്നതിനാല്‍ ത്രികാലജ്ഞാനിയായ നാഥനില്‍ നിന്ന് ഘട്ടം ഘട്ടമായി അവതരിപ്പിച്ചുകൊണ്ടിരുന്ന സൂക്തങ്ങള്‍ പിന്‍പറ്റുക എന്നാണ് പ്രവാചകനോട് കല്‍പിച്ചിട്ടുള്ളത്. യുക്തിനിര്‍ഭരഗ്രന്ഥവും ത്രികാലജ്ഞാനവുമായ അദ്ദിക്റിനെ ത്രാസ്സും ഉള്‍ക്കാഴ്ചാദായകവും സത്യാസത്യവിവേചന മാനദണ്ഡവുമായി ഉപയോഗപ്പെടുത്തി ആരാണ് നരകത്തിലേക്കുള്ള 1000 ത്തില്‍ 999 എന്നും ആരാണ് സ്വര്‍ഗത്തിലേക്കുള്ള 1000 ത്തില്‍ ഒന്ന് എന്നും ഇവിടെ വെച്ച് തന്നെ മനസ്സിലാക്കുകയും നരകത്തിലേക്കുള്ളവരുമായി മനസ്സാ-വാചാ-കര്‍മണാ അകന്ന് നില്‍ക്കുകയുമാണ് വേണ്ടത്. അവരോട് അദ്ദിക്ര്‍ കൊണ്ട് അധികരിച്ച ജിഹാദ് ചെയ്യുകയും വേണം. വിശ്വാസികളുടെ സംഘമില്ലാത്ത ഇക്കാലത്ത് മനുഷ്യരുടെ ഐക്യം ലക്ഷ്യം വെച്ചുകൊണ്ട് ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ അത് ലഭിക്കാത്ത ഇതരജനവിഭാഗങ്ങള്‍ക്ക് എത്തിച്ചുകൊടുക്കുകയുമാണ് ഒറ്റപ്പെട്ട വിശ്വാസി ചെയ്യുക. അതുതന്നെയാണ് 47: 7 ല്‍ പറഞ്ഞ പ്രകാരം നിഷ്പക്ഷവാനായ നാഥനെ സഹായിക്കുന്ന രീതിയും നാഥന്‍റെ സഹായം തിരിച്ച് കിട്ടാനും പാദങ്ങള്‍ നേരെച്ചൊവ്വെയുള്ള പാതയായ അദ്ദിക്റില്‍ ഉറച്ച് നില്‍ക്കാനുള്ള മാര്‍ഗ്ഗവും. ത്രികാലജ്ഞാനിയില്‍ നിന്നുള്ള അദ്ദിക്ര്‍ തന്നെയാണ് 4: 68, 175; 6: 153; 36: 61 തുടങ്ങി 35 സൂക്തങ്ങളില്‍ പറഞ്ഞ നേരെച്ചൊവ്വെയുള്ള പാത. അതുതന്നെയാണ് 2: 38, 185; 7: 52, 203; 13: 15; 45: 11 തുടങ്ങി 80 സൂക്തങ്ങളില്‍ പറഞ്ഞ സന്മാര്‍ഗവും. 4: 144; 9: 73; 16: 125 വിശദീകരണം നോക്കുക.